Fleiri myndir kynntar til sögunnar

Þótt þessi síða sé ekki komin í fullan gang, þá ætla ég samt að bæta við efni á hana, það er nokkrum myndum. Hálfpartinn til að flýta fyrir mér þegar ég geri síðuna opinbera og hálfpartinn til að máta hvernig þetta kemur út. Þetta eru að hluta til áður óbirtar myndir eins og sú í næstu færslu á undan.

 

 

 

 

 

 

 

 

Við Skógtjörn fyrir næstum einni öld

 

 

 

 

 

 

 

 

Hér er önnur mynd af Mölshúsum snemma á 20. öld

 

 

 

 

 

 

 

 

 

 

 

 

... og loks ein af mínum uppáhalds.

Af gömlu þorrablóti, Bjarni á Jörva og Krummi fara á kostum í ,,Álftavatninu". Þessi hefur birst áður, í Álftaness sögunni sem við ætlum nú að fara að uppfæra og endurbæta. 

 

Velkomin á blogg um sögu Álftaness

Velkomin á blogg um sögu Álftaness. Á næstunni mun hefjast vinna við endurútgáfu Álftaness sögu, sem út kom árið 1996 og ætlunin er ennfremur að auka við söguna enda margt gerst í sveitarfélaginu frá því bókin kom út, samfélagið í örum vexti og íbúar vel virkir og áhugasamir um uppbyggingu samfélagsins okkar. Sagnaritari, Anna Ólafsdóttir Björnsson, mun hafa umsjón með þessu bloggi ásamt öðrum fjölskyldumeðlimum og ritnefndarfólki eftir því sem málin þróast. Eðli bloggs er að vera síkvikt og virkt og svo verður vonandi um bloggið okkar. Við munum einnig reyna að birta myndir og upplýsingar um sögu nessins eftir því sem þurfa þykir. Fyrsta myndin sem við birtum er mynd sem mér áskotnaðist nýlega og mun vera frá Mölshúsum.