Velkomin á blogg um sögu Álftaness

Velkomin á blogg um sögu Álftaness. Á næstunni mun hefjast vinna við endurútgáfu Álftaness sögu, sem út kom árið 1996 og ætlunin er ennfremur að auka við söguna enda margt gerst í sveitarfélaginu frá því bókin kom út, samfélagið í örum vexti og íbúar vel virkir og áhugasamir um uppbyggingu samfélagsins okkar. Sagnaritari, Anna Ólafsdóttir Björnsson, mun hafa umsjón með þessu bloggi ásamt öðrum fjölskyldumeðlimum og ritnefndarfólki eftir því sem málin þróast. Eðli bloggs er að vera síkvikt og virkt og svo verður vonandi um bloggið okkar. Við munum einnig reyna að birta myndir og upplýsingar um sögu nessins eftir því sem þurfa þykir. Fyrsta myndin sem við birtum er mynd sem mér áskotnaðist nýlega og mun vera frá Mölshúsum. 

Athugasemdir

[Jóhanna (IP-tala skráð) 20.1.2008 kl. 19:52]

Til hamingju með nýju síðunna...

[Blátúnsfólkið, 30.1.2008 kl. 01:06]

Takk, takk. Gaman að þessu. Hlakka til að koma þessu formlega í loftið.